19-ше август- Руш тельняшкын кечыже
Таче эше Руш тельняшкын кечыже палемдалтеш. 17-ше курымышто европысо флотлан морякышт шке ош тувырышкышт тӱрлӧ тӱсан тасмам пижыктылаш тӱҥалыныт. Тидыже матросым тора гыч палаш йӧным ыштен. Нуным пеҥгыде куэм гыч ыштеныт. Сандене тудо шокшымат кучен, корабльысе пашам ышташашт чаракым ыштен огыл. А Бретонысо колызо- влак тыгай вургем тӱрлӧ осал деч арала манын шоненыт. Флотым йӧратыше Император Пётр Первый корешан тувырым чийыме голландийысе йӱлам Российыш кусарен. Сандене тельняшке Российыш варарак толын. 19-ше курымышто гына тудым ужалкалыше корабль- влакын морякышт кондаш тӱҥалыныт. Тунам Российыште тельняшкым ыштен огытыл да ужалымаштат лийын огыл. 1874-ше ий 19-ше августышто Кугу Князь Константин Романов корабльыште у формым кучылтмо шотышто Указеш кидшым пыштен. Император Александр Второй указым пеҥгыдемден. Тыге корнан тельняшка флотысо изирак чинан экипаж- влакын официальный вургемышкышт савырнен.
