Республикыштына «Сеҥымаш диктантым» 15 площадкыште возаш тӱҥалыт

Республикыштына «Сеҥымаш диктантым» 15 площадкыште возаш тӱҥалыт. Тудо тений 3-шо сентябрьыште лиеш. Вашмутым возаш 45 минут ойыралтеш. Тиде жапыште возышо- влак 25 заданийым шуктышаш улыт. Йодыш- влак тӱҥ историй дата, событий, военный географий, сарын геройжо да моло теме дене кылдалтше лийыт. Тӱшка мероприятийым школлаште эртараш чарымылан кӧра, акций ола да райрӱдыласе профессионал шинчымашым налме тӧнеж, вуз, книгагудылаште эртаралтеш. Регистарций диктантпобеды.рф сайтыште эрта, туштак диктантын участникшын электрон дипломжым налаш лиеш. Акцийыште кугу лектышым ончыктышо-влак вузыш тунемаш пурымо годым ешартыш баллым налыт.

Прошлые выпуски