Марий Элыште контаркт почеш амалкалче- влаклан парымым пӧртылтымӧ

Марий Элыште контаркт почеш амалкалче- влаклан 157 миллион утла теҥге парымым пӧртылтымӧ. Республикыштына предприниматель пашан субъектше- влак ончылно контаркт почеш шуктымо пашалан тӱлен шуктыдымо оксам пӧртылташ ешартыш мера- влакым ыштыме. Коронавирус инфекцийын пандемийжылан кӧра нелылыкыш логалше изи да кыдалаш предпринимательствылан полшымо кышкарыште кугыжаныш да муниципал заказчик- влакын контракт почеш оксам тӱлымышт шотышто йодышым республикысе прокуратура контрольышто куча. Парымым пытараш манын горрайпрокурор- влак заказчик- влаклан 123 представленийым колтеныт. Прокуратура ушнымеке амалкалче- влак ончылно погынышо 157 миллион теҥге парым оксам пӧртылтымӧ. Мутлан, Медведево районысо прокуратурын йодмыж почеш район администраций «Казанский посад» предприятийлан посёлкышто йоча садым чоҥымыжлан 26 миллион утла теҥгем пӧртылтен. «Марводстрой» организацийлан кок миллион наре тӱлымӧ. Тыгак эше икмыняр организаций шке оксажым пӧртылтен. Амалкалче- влакын праваштым аралыме шотышто паша умбакыже шуйна.

Прошлые выпуски