Оршанкыште «Родничок» йоча сад петыралтын
Оршанкыште «Родничок» йоча сад петыралтын. «Еш» калыкле проект кышкарыште Оршанкысе «Родничок» йоча садыште капитально олмыктымо паша кая. 1984-ше ийыште чоҥымо зданийым 96 йочалан да 13 педагоглан йӧнаным да лӱдыкшыдымым ышташ тыршат. Тушто тӱшка чоҥымо пашам ышташ, фасадым олмыкташ, вӱдым ситарыме, канализаций, ырыктыме, южтарыме системым вашталтат, электрооборудованийым, тул волгыдым, компьютер сетьым, пожар сигнализацийым да тул пижме годым шижтарыше системым монтироватлат. Кызыт кӱварлан тӱрысынек стяжкым ыштыме, тошто штукатуркым кораҥдыме. Тиде жапыштак ырыктыше радиатор- влакым рончат, тӱҥалтыш штукатуркым ыштат, фасадым да кӧргӧ электортулым монтироватлат. Пашам кызытеш 29 процентлан шуктымо,- увертара туныктыш министерстве.
Фото: Туныктыш министерстве.
Фото: Туныктыш министерстве.
