Пӱтынь марий хореографий форумым талукышто кок гана эртараш палемденыт

Пӱтынь марий хореографий форумым талукышто кок гана эртараш палемденыт
                Пӱтынь марий хореографий форумым талукышто кок гана деч шагал огыл эртараш палемденыт.  Тыгай форум республикыште икымше гана эртен. Тушко республикысе 15 районысо 30 клуб тӧнеж да 19 йоча сымыктыш школ гыч 70 хореограф ушнен. Кум кече жапыште нунылан лӱмлӧ хореограф да педагог- влак виш урокым эртареныт, «Волгенче» пӱтынь марий йоча куштышо ансамбльын репетицийже- влак, конференций лийыныт. Тушто специалист- влакым районлаште пашаш пуртымо, «Земский тӱвыра пашаеҥ» проектыш ушнымо йодыш- влакым каҥашеныт. Программе «Марий Эл» ден «Волгенче» ансамбль- влакын гала-концертышт дене мучашлалтын. Форумым талукышто кок гана эртараш шонат. Кокымшо вашлиймашыже тений шошымак эрта. Тушкак калык куштымашым куштышо да хореограф-постановщик- влакын республике кӱкшытан конкурсышт пура. Участник- влак кок калык куштымашым ямдылат. Сеҥыше- влаклан шке коллективыштлан костюмым ургаш сертификатым кучыктат.- увертара тӱвыра министерстве.
           Фото: Тӱвыра министерстве.

Прошлые выпуски