Йошкар-Ола да Волжск епархийлан священникышт парт коклаш шинчыныт
Йошкар-Ола да Волжск епархийлан священникышт парт коклаш шинчыныт. Йошкар-Ола епархийын черке специлаист- влакым ямдылыме рӱдерыштыже 26-шо январь гыч священнослужитель- влакын квалификацийыштым нӧлтымӧ кӱчык курс- влак почылтыныт. Тунеммаш молебен гыч тӱҥалын. Тудым епархийын юмынйӱла шинчымаш да катехизис пӧлкажым вуйлатышын алмаштышыже, квалификацийым нӧлтымылан вуйын шогышо, иерей Иоанн Кристев кугу княгиня Елисавета лӱмеш порт храмыште эртарен. Молебен деч вара Иоанн ача священник- влаклан чытымашым да сайын тунеммашым тыланен, у пайдале шинчымаш юмылан ӱшаныше- влаклан полшыжо манын тыланен. Священник- влак квалификацийыштым шым ийлан ик гана деч шуэн огыл нӧлтат. Марий митрополийыште тунеммаш кажне ийын эртаралтеш. Черетан тӱшкаш кок епархий гыч 11 клирик упрен. Нуно график почеш 10-шо февраль марте занятийыш коштыт да иктешлыше аттестацийым эртат.
Фото: Виктория Соловьева.
Фото: Виктория Соловьева.
