Республикыште книгам лукмо планым пеҥгыдемдыме
Историй шымлымаш гыч йоча йомак марте: республикыште книгам лукмо планым пеҥгыдемдыме. Тений Марий книга савыктыш 20 утла у книгам савыктен луктеш. Савыктыш- влак социал кӱлешан литературын кугыжаныш программыже кышкарыште лукталтыт.
Планын кугу ужашыжым фундаментал шанче да историй паша- влак айлат. Нунын коклаште Ананий Иванов ден Сергей Свечниковын кок томан «Марий Элысе калык- влакын историй ден тӱвырашт» кокымшо савыктыш, 11-ше -18-ше курымласе руш летописым ончыктышо «Черемис- влак источниклаште» документал серийын кумшо томжо, Александр Акшиковын «Марий- влакын кӱ мемориал памятникышт» шымлымашыже улыт.
Марий калыкын йӱлажым Владимир Кудрявцевын сӱретан книгаже да Иван Речкинын фотоальбомжо ончыктат. Тений Анатолий Ишалинын «Пиалан лийза» роман-трилогийжын кокымшо томжым, Геннадий Ямбаршевын «Судьба и доля» историй романжым, Светлана Алексеева ден Дина Рычкован прозо книгаштым, Надежда Гордеева, Светлана Архипова, Татьяна Очеева да Вероника Корчемкинан поэзий книгаштым лудаш лиеш.
Посна верым «Элым аралаш- мемнан пӱрымаш» тӱшка сборник налеш. Тыгак йоча да самырык- влаклан сылнымут, сем- влак сборник, йоча- влаклан келыштарыме «Югорно» эпос, «Дружба» ден «Эрвий» альманах- влак, ойлымаш да очерк книга- влак савыкталтыт.
Фото: Архив.
Планын кугу ужашыжым фундаментал шанче да историй паша- влак айлат. Нунын коклаште Ананий Иванов ден Сергей Свечниковын кок томан «Марий Элысе калык- влакын историй ден тӱвырашт» кокымшо савыктыш, 11-ше -18-ше курымласе руш летописым ончыктышо «Черемис- влак источниклаште» документал серийын кумшо томжо, Александр Акшиковын «Марий- влакын кӱ мемориал памятникышт» шымлымашыже улыт.
Марий калыкын йӱлажым Владимир Кудрявцевын сӱретан книгаже да Иван Речкинын фотоальбомжо ончыктат. Тений Анатолий Ишалинын «Пиалан лийза» роман-трилогийжын кокымшо томжым, Геннадий Ямбаршевын «Судьба и доля» историй романжым, Светлана Алексеева ден Дина Рычкован прозо книгаштым, Надежда Гордеева, Светлана Архипова, Татьяна Очеева да Вероника Корчемкинан поэзий книгаштым лудаш лиеш.
Посна верым «Элым аралаш- мемнан пӱрымаш» тӱшка сборник налеш. Тыгак йоча да самырык- влаклан сылнымут, сем- влак сборник, йоча- влаклан келыштарыме «Югорно» эпос, «Дружба» ден «Эрвий» альманах- влак, ойлымаш да очерк книга- влак савыкталтыт.
Фото: Архив.
