Изи Какшан эҥер покшеч кок йочам утареныт
Йошкар-Олаште Изи Какшан эҥер покшеч кок йочам утареныт. Изи судно шотышто кугыжаныш инспекцийын инспекторжо- влак Виктор Стрельчук ден Кирилл Перминов эҥерыште ийготыш шудымо кок рвезым ужыныт. Нуно кумда верыште эҥер покшеке шумеш ийын миеныт. Утарыше ведомствын специалистше- влак катер дене лишеммеке умыленыт: мӧҥгеш ийын каяш рвезе- влакын вийышт ок сите. Нунылан пушыш кӱзаш полшеныт да серыш луктыныт. Тушто нунын дене профилактике мутланымашым эртарыме. Изиш варарак инспектор- влак «Кечывалвел» пляжыште 5-6 ияш йоча- вакым ужыныт. Нуно ача-ава деч посна вӱдыш пуреныт. Нунын дене мутланымеке, мӧҥгӧ каяш кӱштеныт. Статистике ончыкта: вӱдыштӧ эҥгекын тӱҥ амалже- ийын моштыдымаш да ача-ава- влакын эскерыдымышт. 2022-шо ийыште республикысе вӱдыштӧ кум йоча пурен каен, 21-ше ийыште- визыт, - ушештарат МЧС виктемыште.
Фото: МЧС виктем.
Фото: МЧС виктем.
