Марий Элыште 264 книгагудо пашам ышта
Марий Элыште 264 книгагудо пашам ышта. 27-ше майыште Россий кӱкшытан книгагудо кече палемдалтеш. Тудын вашеш книгагудылан эн сай пашаеҥыштлан наградым кучыктеныт. 264 книгагудышто 775 специалист пашам ышта да тушто вич миллион наре документ аралалтеш. Торжественный мероприятий Чавайн лӱмеш калыкле книгагудышто эртен. Пашаеҥ- влакым тӱвыра министр Константин Иванов саламлен. Книгагудо- тиде тӱвырам аралыме вер. Шумо сеҥымаш дене огына серлаге. Мемнан кугу цель ден задачына уло. Чылажат ворана манын ӱшанем, - каласен тудо. Шуко ий тыршен ыштымылан да книгагудо пашам вияҥдымашке надырым пыштымылан министр специалист ден ветеран- влаклан республикым вуйлатышын тауштымашыжым кучыктен да пашаеҥ- влаклан- ведомствын грамотыжым. Мероприятийыште тыгак «Эн сай муниципал книгагудо да нунын пашаеҥышт» конкурсым иктешленыт. Тудо кумшо гана эртаралтын. Конкурсышто сеҥышыш лектыныт: Волжский районысо Купсола ял книгагудым вуйлатыше Нина Иванова, Моркысо книгагудо системын методико-библиографий пӧлкажын тӱҥ библиотекарьже Мария Александрова, Килемар районысо 16-шо номеран Визымьяр книгагудо-филиал да Волжскысо книгагудо системын Рӱдӧ книгагудыжо.
Фото: Тӱвыра министерстве.
Фото: Тӱвыра министерстве.
