Таче славян тиште да тӱвыра кече палемдалтеш.
Таче славян тиште да тӱвыра кече палемдалтеш. Тиде пайрем дене республикысе калыкым Марий Элым вуйлатыше Юрий Зайцев саламла. Пайрем ятыр славян кугыжанышым ушен шога. Тиштым ыштымаште тӱҥ рольым равноапостольный иза-шольо Кирилл ден Мефодий налыныт. Нунын пашашт йылмым да тӱвырам умбакыже вияҥдаш тӱҥалтышым пыштен. Славян тиште шочмо дене ятыр историй да тӱвыра событий ден факт нерген уверым арален кодаш йӧн лектын. Курымла дене погымо шинчымаш мыланна элнан тӱвыра поянлыкшым тукым гыч тукымыш кусарен толаш полша. Республикысе калыкат тиде пайремым пагала да акла. Равноапостольный- влакын ыштыме азбука Российын да СНГ-ше илыше ятыр калыкын тиштыжым вияҥдаш тӱҥалтыш лийын. Чылалан сеҥымаш- влакым, ваш умылымашым, келшымашым, икоян лиймым да эн порым тыланем,- ойлалтеш Республикым вуйлатышын саламлымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
