Рӱдӧ олаштына следж-хоккей дене Россий кӱкшытан таҥасымаш эрта

Рӱдӧ олаштына следж-хоккей дене Россий кӱкшытан таҥасымаш эрта
             Рӱдӧ олаштына 10-шо гыч 13-шо ноябрь марте следж-хоккей дене Россий кӱкшытан любитель лигын икымше йыжыҥже эрта. Тиде турнир спорт таҥасымаш гына огыл, а патырлыкын да чытымашын чын примерже. Тушко спортсмен- влакым поддержатлаш мияш ӱжыт.
                Мемнан сборный команде кузе шочын? Кодшо ийын ноябрьыште «Ачамландым аралыше- влак» фондын вуйлатышышт дене вашлиймашыште элыште следж-хоккейым вияҥдыме нерген йодышым нӧлталме. Икмыняр кече гыч Марий Элым вуйлатыше дене СВО-н ветеранже- влакын командыштым ыштыме нерген мутланыме. Декабрьыште ончыкылык модшаш еҥ- влак Угарманыш следж-хоккей дене чемпионатыш да мастар-классыш миеныт. Тений январьыште Йошкар-Олаште чыла кумылан- влаклан мастар-класс эртен. Мартыште «Ачамландым аралыше- влак» фонд лӱмын ыштыме издерым да экипировкым налын, икымше тренировко эртен. Апрельыште команде Российысе турнирыште модын ончен. Кеҥежым Юрий Зайцевын кӱштымыжӧ почеш ийыште тренировкылан посна жапым пеҥгыдемденыт да окса дене полшеныт. Августышто икымше сеҥымаш- Татарстан Раисын Кубкыштыжо той медальым налме. Ноябрьыште ветеран- влак сборныйын шке лӱмжӧ шочын- «Ратник».

            Фото vk.com/renatmagsumov

Прошлые выпуски