Йошкар-Ола гыч Владимирыш вагон уэш кошташ тӱҥалеш
Куснен шичде кайыме вагон уэш Йошкар-Ола гыч Владимирыш 21-ше декабрь гыч кошташ тӱҥалеш. Тудо 23 шагатат 50 минутлан лектеш да верышке 22-шо декабрьын 18 шагатат 37 минутышто миен шуэш. Вара тиде расписаний денак кече коден коштеш. Вияш корно 19 шагат наре жапым налеш, но ондаксе семын Москошто але Угарманыште вес вере куснен шинчаш ок кӱл. РЖД-н сайтыштыже акше нерген эше увер уке. Республикысе калык тыгак куснен шичдыме вагон дене Санкт-Петербург марте каен кертеш тудат 21-ше декабрь гыч кечым коден кошташ тӱналеш. А тымарте ныл кечылан ик гана кая ыле. Вагон тыгак 23 шагатат 50 минутлан тарвана, корнышто ик кечат 13 шагат лиеш. Билетын акше кум тӱжемат 522 теҥге гыч тӱҥалеш. Тиде корно Угарман, Иваново, Ярославль да моло ола гоч шуйна.
А теве таче кече гыч «Йошкар-Ола» Автовокзал- Сыктывкар» маршрут дене автобус- влак уэш кошташ тӱналыныт. Нуно кугарня да рушарня еда каят. Тарваныме жапше ончычсо гаяк- 18 шагат.- увертара «Йошкар-Олан автобус вокзалже» портал.
А теве таче кече гыч «Йошкар-Ола» Автовокзал- Сыктывкар» маршрут дене автобус- влак уэш кошташ тӱналыныт. Нуно кугарня да рушарня еда каят. Тарваныме жапше ончычсо гаяк- 18 шагат.- увертара «Йошкар-Олан автобус вокзалже» портал.
