Пошкудо кундемыште «Артекын» филиалже лиеш

Татарстаныште «Артекын» филиалже почылтеш. Тиде республикын правительствыже «Артек» йоча рӱдер дене вашкыл шотышто соглашенийым пеҥгыдемден. Видеоконференцкыл йӧн дене эртыше мероприятийыште Рустам Миннеханов участвоватлен. Тиде жапыште тудо Нижнекамск районышто верланыше «Кама» йоча да ийготыш шудымо- влакын тазалыкыштым пеҥгыдемдыме, каныме да занятость рӱдерыште лийын. Лач тиде уэмдыме  рӱдер «Артек» Тӱнямбал йоча рӱдерын филиалже лийшаш. «Камам» 1970-шо ийыште Каракуль ер воктене чоҥымо. Тудын кумдыкшо вич гектар гыч 14 гектар марте кугемын, йӧршын у инфраструктурым ыштыме. Тиде каныме вер «Камский Артек» лӱман лиеш да идалык мучко пашам ышташ тӱҥалеш. Тудо Российыште «Артекын» 6-шо филиалже лиеш.

Прошлые выпуски