Республикыштынат пенсий да пособий гыч парымым пӧртылтыкташ чарыме
Республикыштынат пенсий да пособий гыч парымым пӧртылтыкташ чарыме. Российын Президентше Владимир Путин «Исполнительный производство нерген» законыш вашталтышым пеҥгыдемден. Тыге элыштына социал окса гыч парымым ӧкым кӱрын лукташ ок лий. Пенсий, социал пособий, компенсаций, ик гана тӱлымӧ окса гыч шийвундым налаш ок лий. Закон почеш вучыдымо ситуацийлан кӧра эмганыше, эн кӱлешан погым йомдарымылан полыш окса, чрезвычайный ситуацийыште ӱмыр лугыч лийше, тазалыкыштлан эҥгек лийше – влакын ешыштлан ик гана тӱлымӧ окса гыч парымым пӧртылтыкташ ок лий. Пашам пуышо- влаклан банкысе расчёт документлаште закон тыгай парышлан посна кодым ончыкташ кӱшта, а Российын банкше посна радамым ямдыла. Парыман еҥын счётшым обслуживатлыше Банк але моло кредит организаций расчёт документлаште ончыктымо сведений негызеш законын йодмыжым шуктышаш улыт. Суд пристав- влак исполнительный документым шукташ налог орган да банкла деч кӱлеш уверым налаш праван лийыт.
