Пудий мален ок кий
Икымше июньлан шотлымаште республикысе эмлыме верлашке пудий пижмылан кӧра 492 еҥ полышым йодын миен. Тидыже кодшо ийысе тыгаяк жап деч 13 процентлан шагалрак. Ӱмаште 566 еҥ лийын. 28 процентше 14 ияш марте йоча- влак улыт. Эртыше арняште гына 109 еҥлан пудий пижын. Тений шошо гыч тӱҥалын кум еҥ пудий пурлмылан кӧра боррелиоз чер дене черланен: кокытшо кугыеҥ, иктыже- йоча. Нунылан копшаҥге Йошкар-Оласе Пӱнчерыште да Киров областьыште пижын. Тергыме 76 пудийын боррелиз, 15-ыште энцефалит вирусын антигенжым рашемдыме. Тергымашым Йошкар-Оласе Машиностроитель уремысе 121-ше пӧртыштӧ верланыше гигиена да эпидемиологий рӱдер эртара. Тудо каныш да пейрем кечылаштат пашам ышта.
