Марий Элысе тоштер- влак «Интермузей-2020» Тӱнямбал фестивальыште лийыныт

Марий Элысе тоштер- влак «Интермузей-2020» Тӱнямбал фестивальыште лийыныт. 22-шо фестивальыш Россий, Франций, Великобританий, Нидерланды, Австрий, Европысо моло элла да  СНГ гыч 400 наре тоштер ушнен. Марий Эл гыч 9 лийын. Темыже «Тӱням аралыше- влак» семын йоҥген да Кугу сарыште сеҥымылан 75 ий теммылан пӧлеклалтын. «Интермузейын» виртуал йӧн дене эртымыжлан кӧра, уло тӱня гыч тоштер- влак ушнен кертыныт. Тӱнян кеч-могай верыштыже илыше- влак интернет гоч Марий Элысе муниципал да районласе тоштер- влакын экспозицийыштым онченыт. Шке поянлыкыштым Миклай Казаков лӱмеш сылнымут да краеведений, Михаил Янтемир лӱмеш сылнымут да этнографий, Василий Мосолов лӱмеш Марий Турек краеведений, Йошкар-Олан историй тоштерже, Александр Конаков лӱмеш Шернурысо тоштер- ончер комплекс, Республикысе тӱссымыктыш, Мотовилов лӱмеш воин чап, У Торъял краеведений тоштер- влак ончыктеныт. Поро йӱла семын ик эн  кугу ийготан Евсеев лӱмеш калыкле краеведений тоштерат участвоватлен.

Прошлые выпуски