Тений 42 врач ден фельдшерым яллаште вучат

Республикысе тазалыкаралтыш министерстве тений «Земский доктор» да «Земский фельдшер» программе- влак почеш тора яллашке каяш шонышо 42 медицина пашаеҥ дене ойпидышым кылдаш палемден. 42 гыч 12 еҥже дене ойым пеҥгыдемдыме. Шым врач ден вич фельшер яллаште пашашке ушненыт. Нуно Курык марий Кузнецовышто, Медведево рӱдӧ эмлыме верыште да Аксарке ФАП-ыште, Оршанке эмлыме верыште, Шулко да Марково ФАП-ыште, Советский Михайловка ФАП ден Волжский Кӱсола ФАП-ыште пашам ыштат. Врач ден фельдшер- влакым тыгак Волжский, Звенигово, Килемар, Морко, Шернур, Советский районлаште да Козьмодемьянск олаште вучат.

Прошлые выпуски