Йоча дене шинчыше ӱдырамаш- влакым уэш туныкташ Марий Эл оксам налеш
Йоча дене шинчыше ӱдырамаш- влакым уэш туныкташ Марий Эл кок миллиард теҥге оксам налеш. Российын премьер- министрже Михаил Мишустинын пеҥгыдемдыме пунчалже дене келшышын, кум ий деч изирак ийготан икшыван ӱдырамаш- влаклан да илалше-шамычлан пашаверым муаш ешартыш йӧн ышталтеш. Нине категорий еҥ- влаклан пенсийыш лекмеке але декрет отпуск пытымеке, уэш тунемаш але квалификацийым нӧлташ верештеш. Но верласе занятость службо- влак тымарте шкевуя ойпидышым кылден да тунемме курсым ямдылыше- влаклан субсидийым ойырен кертын огытыл. Премьер-министр рашемден: тиде ситыдымашым кораҥдена. Ынде занятость служба туныктымо программым вӱдышӧ организаций- влак дене субсидийым ойыраш вияш ойпидышым кылден кертеш. Тыгай программылан тений гыч 2024-ше ий марте субъект- влаклан федерал бюджет кок миллиард теҥге гыч ойыра.
