Йошкар-Ола икымше гана «Ончыкылыкыш билет» проектыш ушнен
Йошкар-Ола икымше гана «Ончыкылыкыш билет» проектыш ушнен. Июльышто элыштына тиде проектын кумшо циклже тӱҥалын. Тудо 6-11-ше класслаште тунемше- влакым ончылгоч профессийым ойырен налаш туныктымашке виктаралтын. Проект «Образований» калыкле проект кышкарыште шыҥдаралтеш. Тений тушто Юл кундем округын 13 регионжо участвоватла. Кумытшо: Марий Эл, Пермь край да Оренбург область икымше гана ушненыт. Округысо школьник- влакын «ончыкылыкыш билетым» налаш йӧнышт 2018-ше ийыште шочын. Тунам тушко 9 регион ушнен, вес ийынже Киров кундем ешаралтын. Проектын икымше йыжыҥыштыже тунемше- влак онлайн- диагностикым эртат. Тудыжо шкем утларак умылаш, профессий коклаште кудыжо утларак келшымым пален налаш полша. Кокымшо йыжыҥыште тӱрлӧ пашаште шкем терген ончымашым эртат. Кумшо йыжыҥыште кажне школьник шинчымашым налме посна корным чоҥаш темлымашым налеш: кузе умбакыже профессийым ойыраш, кушто тунемаш, могай предприятийлаште да кӧ лийын пашам ышташ.
