Полицейский- влак школыш ямдылалташ полшеныт

Полицейский- влак школыш ямдылалташ полшеныт
Йошкар-Олаште полицийын еҥышт да мер пашаеҥ- влак Россий МВД-н эртарыме «Тунемаш каяш полшо» акцийыш ушненыт. Нуно начаррак илыше ешлашке миеныт да икымше классыш кайышаш йоча- влаклан канцеляр наборым да шере пӧлекым кучыктеныт. Кажне ийын тунемме ий тӱҥалме деч ончыч полиций пашаеҥ- влак оксам погат да полшымо учрежденийыштлан, профилактике учётышто шогышо ешла гыч йоча-шамычлан, сотрудник- влакын икымше классыш кайыше йочаштлан полышым ыштат. Тыгак общественный советын еҥже- влакат пӧлекым ямдылат да полицейский- влак дене пырля йоча пӧртыш, ешлаш, тунемме тӧнежлаш миен коштыт. Икымше классыш кайыше- влаклан «Школьникын наборжым» налыныт, кампеткым да арбузым намиеныт. Йоча- влаклан сайын тунемаш, ача-авам да туныктышым колышташ тыланеныт. Шкеныштын лӱдыкшыдымылыкышт да корно правил нерген ушештареныт. Йоча да ача-ава- влак уло кумылын тау шомакым ойленыт.

Прошлые выпуски