Кок кече оксам тӱлыде тазалыкым пеҥгыдемдаш лиеш
Республикысе спорт сооружений- влакын виктемышт «Шинчымаш кечылан» акцийым эртара. Икымше да кокымшо сентябрьыште спорт оралтылашке 14 ияш марте йоча- влак оксам тӱлыде, яра пурен кертыт. «Марий Эл Арена» манежыште 18 гыч 20 шагат марте куржталме корно да тренажёр зал дене пайдаланаш, «Дружба» стадионысо Ий полатыштте 10 шагатат пеле гыч, 12 шагат гыч да 13 шагатат пеле гыч тӱшкан мунчалташ лиеш, «Дружба» стадионышто куржталме корно, баскетбол дене модмо площадке 10 гыч 13 шагат марте пашам ышта, «Спартак» ФОК-ышто 10 гыч 16 шагат марте теннис дене модаш, «Дельфин» бассейныште 10 гыч 13 шагат марте йӱштылаш йӧным ыштат. Тыгак Козьмодемьянск оласе бассейн, Юринысе ФОК, Марий Турекысе Ий полат йоча- влакым вучат.
