Таче Марий Эл Кугыжаныш Погынын иктешлыше 51-ше сессийже пашам ыштен
Теҥгече 6-шо созыв Марий Эл Кугыжаныш Погынын иктешлыше сессийже лийын. Тушто ныл йодышым каҥашыме. Тушто ик кӱлешан законым пеҥгыдемдыме. Тиде 2020-шо ийлан пенсионерлан илен лекташ ситыше окса кугытым палемдыме. Кызыт тудын кугытшо 8 тӱжемат 191 теҥге гын, вес ийлан 8 тӱжемат 380 теҥгем палемдыме. Сессийын пашаштыже Республикым вуйлатыше Александр Евстифеев лийын. Тудо Марий Правительстве ден кугыжаныш Погын коклаште вашкыл нерген докладым ыштен. Тудын мутшо почеш кок наре ий жапыште республикын кугыжаныш парымже ик миллиардат пеле теҥгелан шагалемын. Промышленностьышто производство кугыт 8,6 луаш процентлан ешаралтын, моло тӱҥ отрасльлаште эшеат шукырак -20-30 процент марте. Депутат корпусын пашажым Кугыжаныш Погыным вуйлатыше Юрий Минаков иктешлен ойлен. Тудын мутшо почеш 6-шо созыв семын моло ик созыват тыге чолган пашам ыштен огыл. Пытартыш ийыште гына 8 сессийым эртарыме, республикын 33 законжым пеҥгыдемдыме. Вич ий жапыште депутат- влак приёмым эртарыме годым 25 тӱжем еҥ дене вашлийыныт. Парламентым вуйлатыше Республикым вуйлатыше Александр Евстифеевлан сай лектыш дене пырля пашам ыштымылан тауштен ойлен. Но тиде пытартыш сессий огыл лийын. Ынде депутат- влак 3-шо сентябрьыште Кугыжаныш Погынын 20 ияш пашажым иктешлаш чумыргат.
