Полномочный представитель Игорь Комаров регионлам вуйлатыше- влак дене совещанийым эртарен
Угарман олаште Россий Президентын Юл кундем федерал округышто полномочный представительже Игорь Комаров видеоконференций йӧн дене регионлам вуйлатыше- влак дене субъектлам мер-политик да социал-экономик велым вияҥдыме йодыш дене совещанийым эртарен. Мероприятийыште Марий Элым вуйлатыше Юрий Зайцев участвоватлен. Тӱҥ теме- влак коклаште тыгай йодыш лийын: у электоральный цикл да 2025-ше ийысе единый йӱклымӧ кечылан ямдылалтмаш. Полпред ушештарен: Юл кундем федерал округышто кум регионым вуйлатышым сайлымаш лиеш: Татарстаныште, Чувашийыште да Пермь крайыште. Совещанийыште полпред социал экономик вияҥме йодышлан тӱткышым ойырен. Кызыт ик тӱн йодышлан СВО-н участникше- влакым тыныс илышыш, экономикыш, соцпроектлаш ушымаш да ешыштлан комплексно полышым пуымаш шотлалтеш. Аппаратын посна контрольыштыжо калыкле проект- влакым шыҥдарымаш улеш. Игорь Комаров регионлам вуйлатыше- влакым проект- влакым шыҥдарыме пашам жапыштыже шуктымым пеҥгыдын терген шогаш кӱштен. Тыгак 2025-ше ий гыч вуйлатыше- влак вич калыкле проектым шыҥдарымым шке контрольышкышт налшаш улыт. Тиде: «Еш», «Кужу да чолга илыш», «Кадр», «Экономика данных» да «Российын самырыкше- влак». Совещанийыште тыгак объект- влакым йӱштӧ жаплан ямдылыме, пеҥгыде куштыра дене пашам ыштыме реформым шыҥдарыме йодышлам каҥашыме. Тыгак Игорь Комаров йоча да самырык тукым дене воспитатлыме пашам умбакыже шуйымын кӱлешлыкшым палемден.
Фото: Марий Элысе тӱҥ федерал инспектор.
Фото: Марий Элысе тӱҥ федерал инспектор.
