Поро шарнымашеш кодеш…

Теҥгече кужу жап черланен кийыме деч вара лӱмлӧ да пагалыме еҥ- Ксенофонт Никанорович Сануковын шӱмжӧ кырым чарнен. Марий Элын историйжым рашемдымашке  кугу надырым пыштыше историй наука доктор, Марий университетын отечественный историй кафедрыжын профессоржо 86 ийыш тошкалын ыле. Ксенофонт Сануков Российыште калыкле кылым да калыкле политикым шымлыше, этнополитологийын, финно-угроведенийын, истроиографийын, исторический биографийын вӱдышӧ учёныйжо. Шымылме пашлан 50 ий утла илышыжым пӧлеклен. Ксенофонт Никанорович 1935-ше ий 5-ше февральыште Курык марий районысо Носолаште шочын. Марий пединститутым тунем пытарен, газетыште, марий  шымлыше институтышто, партий Марий обкомышто, Ульяновскыо, Рыбинскысе, Марий политехнический институтлаште пашам ыштен, МарНИИ-н директоржо лийын. 1991-ше ий гыч марий университетыште тыршен. Тудын нерген поро шарнымаш мемнан шӱмешна курымеш аралалт кодеш, а тудын лӱмжӧ Марий Элын историйыштыже лиеш.- ойлалтеш Марий Элым вуйлатыше Александр Евстифеевын, Республикысе правительствын еҥыштын лӱмышт дене савыктыме некрологышто.

Прошлые выпуски