Республикысе офтальмологий эмлыме верым клинический эмлыме верыш ушымо

Г.И.Григорьев лӱмеш Республикысе офтальмологий эмлыме верым реорганизоватлыме. Марий Эл правительствын пунчалже дене келшышын тидын шотышто пунчалым пеҥгыдемдыме да тудым «Республикысе клинический эмлыме верыш» пуртымо. Тудын права ден обязанностьшым клинический эмлыме верлан пуымо. Тазалыкаралтыш министерстве эмлыме верын уставышкыже вашталтышым пуртышаш, офтальмологий эмлыме верын ярсыше сотрудникше- влаклан гарантий ден компенсацийым тӱлышаш. Кугыжаныш пого министерстве офтальмологий эмлыме верын погыжым клинический эмлыме верлан кусарыме процедурым эртарышаш. Пунчалым шуктымым терген шогаш правительстве председательын алмаштышыже Илга Дравниецелан кӱштымӧ.

Прошлые выпуски