Стратегий инициативын агентствыжлан кӧра у шонымашын авторжо- влак федерал кӱкшытыш лектыт
Стратегий инициативын агентствыжлан кӧра у шонымашын авторжо- влак федерал кӱкшытыш лектыт. Марий университетын «Точка кипений» площадкыштыже «У жаплан виян шонымаш- влак» форумын регионысо йыжыҥже эртен. Мутланымашке министерствылан, вузлан, мер организацийлан еҥышт да шонымашым темлыше- влак ушненыт. Вашлиймашым промышленность министр Станислав Крылов вӱден. Тӱҥ задачыже инициативан еҥ- влакын ушемыштым ышташ, элым вияҥдыме технологий стратегийым ямдылаш да тудлан полшышо виян шонымаш- влакым шыҥдараш виктаралтын. Форумын финал йыжыҥже 11-12-шо нябрьыште Сочиште лийшаш. Уло эл гыч автор- влак 15 тӱжем проектым темленыт. Тушечын 100 эн сайжым ойырен налыт. Площадкышке погынышо- влаклан республикым вуйлатыше саламлымашым колтен. Тудын дене палдарыме деч вара шонымаш- влак дене лишкырак палыме лийме. Нунын коклаште туризм дене кылдалтше кок проект: «Патыр- влакын мландышт» модмаш да «Царёв город без преград». Кокымшыжо начар тазалыкан- влаклан турист маршрутым ыштымаш. Моло шонымашыжат начар тазалыкан йоча- влаклан полыш, самырык тукымым да самырык еш- влакым социал илышыш ушымаш, туризм арням эртарымаш дене кылдалтыныт. Чыла проектшат илышын кӱлешан сферыже- влакым авалтат.
