Республикым вуйлатыше чоҥалтше социал объет- влакым ончен

Республикысе социал тӧнеж- влаклан у пӧртым ыштат. Социал кӱлешан объект- влакым чоҥымо да олмыктымо паша чолган шукталтеш. «Демографий» калыкле проектым шыҥдарымылан кӧра, Морко районышто Красностекловар психоневрологий интернат почылташ ямдылалтеш. Тудым 2018-ше ийыште чоҥаш тӱҥалме ыле, кызыт пашам мучашлыме. Кызытсе жаплан келшыше кок пачашан пӧртыштӧ илашлан мӧҥгысӧ семын келыштарыме чыла йӧным ыштыме. Тушто шӱдӧ еҥлан 20 пӧлем, приёмно-карантин пӧлка, кочмывер, медицина пашаеҥ- влакын пӧлемышт, книгагудо, озанлык, санитар-быт да процедура кабинет- влак, юмылтымо пӧлем-шамыч, лифт улыт. Чылаже 80 миллион наре теҥге оксам кучылтмо. Марий Элым вуйлатыше Александр Евстифеев тушто шуктымо пашам ончен да аклен лектын. Тӧнежын директоржо Фания Шакирова мебельым, вакшышым, кроватьым, ортопедий матрасым налме манын да кугу шонымаш шукталтмылан таум ойлен. Вашке илыше- влакым тошто пӧрт гыч уыш кусарат, а а тоштыштыжо кружок- влаклан пӧлемым ыштат. Республикым вуйлатыше республикыштына тиде ик эн чапле корпус манын палемден. Александр Евстифеев эше ик социал объектым Звениговышто ончен. Калыкле банкын пӧлкаже кок пачашан административный зданийым яра пуэн. Тудын кумдыкшо кок тӱжем квадрат метр. Тушто олмыктымо пашам тӱҥалме. Телым тушко калыкым социал обслуживатлыше комплексный рӱдер ден калыклан социал полышым пуышо рӱдер куснышаш улыт. Кызыт нуно йоча садын икымше ден кокымшо пачашыжым айлат.

Прошлые выпуски