Президентын грантше верч кокымшо конкурсыш ушнаш лиеш
Республикысе коммерцийдыме организаций- влак президент грант верч кучедал кертыт. Президент грантын тенийсе кокымшо конкурсышкыжо йодмаш- влакым налаш тӱҥалме. Тушко элысе чыла кундем гыч коммерцийдыме организаций- влак ушнен кертыт. Шке проектым 15-ше март йӱд марте пуаш лиеш. Но йодмаш 5-ше март марте колталтеш гын, эшеат сайрак лиеш маныт. Молан манаш гын, йодшо еҥын технический йоҥылыш- влакым тӧрлаш жапше лиеш. Конкурсышко ушнымо нерген чыла уверым фондын сайтыштыже муаш лиеш. Конкурсым июньышто иктешлаш тӱҥалыт. Сеҥыше проект- влак икымше июль гыч пашам тӱҥал кертыт. Таҥасымашын лектышыже почеш коммерцийдыме организаций- влак коклаште ныл миллиард утла теҥге оксам шеледыме лиеш.
