Марий Элым вуйлатыше у ончерым почаш темлен

Марий Элым вуйлатыше у ончерым почаш темлен
               «Ачамландын Геройжо- влак» рӱдерыште у ончерым ямдылаш шонымашым Марий Элым вуйлатыше темлен. Таче тоштер да патриот рӱдерыште «Йот йылме военный институтын выпускникше- влак Ачамландылан служитлымаште» ончер почылтын. Экспозицийын темыжым Марий Элым вуйлатыше темлен. Тудо шкежат Россий оборона министерствын военный университетшын 1996-шо ийысе выпускникше улеш. Ончерыш 50 наре фотосӱретым чумырымо. Нуно военный кусаркалыше- влакын тӱнясе тӱрлӧ элыште служитлымышт нерген каласкала: Ангола да Эфиопий гыч Куба, Никарагуа, Афганистан да Мозамбик марте. Институтын выпускникше радамыште ятыр палыме лӱм уло: композитор Андрей Эшпай, калык артист Владимир Этуш, поэт Павел Коган, писатель Аркадий Стругацкий да шуко молат.
              Фото: Марий Элын тӱвыра министерствыже.

Прошлые выпуски