«Алдияр» опера уэш Эрик Сапаев лӱмеш Опера да балет марий театрын репертуарышкыже пӧртылеш

«Алдияр» опера уэш Эрик Сапаев лӱмеш Опера да балет марий театрын репертуарышкыже пӧртылеш
             «Алдияр» опера уэш Эрик Сапаев лӱмеш Опера да балет марий театрын репертуарышкыже пӧртылеш. Эллина Архипован «Алдияр» калыкле оперыжым Йошкар-Олаште уэш ончыктат. Премьерым икымше октябрьлан палемдыме. «Алдияр» марий музыкальный театрын историйыштыже кумшо калыкле опера. Тудын авторжо марий композитор Эллина Архипова улеш. Гани Гадиатовын возымо Либреттон негызыштыже Арсий Волковын тыгаяк лӱман историй драмыже возын. Тушто марий- влакын Степан Разинын вуйлатыме восстанийыште участвоватлымышт нерген ойлалтеш. Действий 1679-ше ийыште кая.
             «Алдиярын» премьерыже 2001-ше ийыште лийын. Туддеч вара спектакль республикысе калыкле тӱвыран шӧртньӧ фондышкыжо ӱшанлын пурен. Ик гана веле огыл кугыжаныш награде дене палемдалтын: оперым возымылан композиторлан кугыжаныш премийым пуымо.
              Эрик Сапаев лӱмеш опера да балет марий кугыжаныш академичсекий театрым 1968-ше ийыште негызлыме. Кызыт тудын репертураыштыже опера, балет да оперетта классикын 70 утла произведенийже уло, тыгак кум калыкле опера:  Эрик Сапаевын «Акпатыр» да Эллина Архипован «Алдияр» ден «Кӱдыратле Чумбылат» опера- влак.
            Фото: Евгений Никифоров.

Прошлые выпуски