«Прометей» студент- влакын энергетик отрядышт паша сменыжым мучашлен

           «Прометей» студент- влакын энергетик отрядышт Мариэнергон объектлаштыже паша сменыжым мучашлен. Тылзат пеле жапыште Марий университетын электроэнергетик факультетшын да Юлтехын механике да машиностроений институтшын кокымшо да кумшо курсыштыжо тунемше- влак электросеть оборудований дене пашам ышташ тунемыныт. Паша смена жаплан нуным «Мариэнергон» штатышкыже налме да пашадарым тӱлымӧ. Коло боец энергобъектлам чоҥымаште, илыме пӧртла деке электровоштырым шупшмаште, электромеҥгым шындымаште, оборудованийым олмыктымаште, документацийым возымаште тыршеныт. Усталык пашамат шуктеныт: энергетик- влакын пашашт нерген фоторепортажым, видеоматериалым ямдыленыт, тӱрлӧ мероприятийышке ушненыт, экскурсийыш миеныт. Паша практике мучашыште студент- влак дене «Мариэнерго» филиалын директоржо Сергей Хлусов вашлийын, йодыш- влаклан вашештен да ончыкылык пашавер нерген мутланеныт.

Прошлые выпуски