Промышленный производствын кугытшо шагалемын

                           Республикыштына промышленный производствын кугытшо шагалемын. Тений ноябрьыште тудо кодшо ийысе тыгаяк жап дене таҥастарымаште кок процент утлалан иземын, а октябрь дене таҥастарымаште- ныл процентлан. А тичмаш 11 тылзым ончалаш гын, иземмаш 9 наре процентыш шуын,- увертара Маристат. Пайдале ископаемыйым лукмаш дене промышленный производствын индексше 149 процент лийын, тыгыдемден кӱм лукмаш кум процент утлалан, тыгыде кӱ кок пачаш, ошмам лукмаш 38 утла процентлан ешаралтын.
                          Обрабатыватлыше отраслят кок процентат пелылан иземын. Эмым да материалым, вургемым ыштымаш, компьютерым, электрон да оптик сатум да металлургий производствышто сатум шагаларк лукмо. Тидын годымак автотранспортым, прицепым да полуприцпым, химический продуктым, коваште сатум, нефтепродуктым да электрик оборудованийым ятырлан шукырак ыштыме. Кочкыш сатум лукмаш кодшо ийысе деч 6 утла процентлан ешаралтын. Вольык да сурткайык шылым, колбасам, шыл консервым, ушкал ӱйым, нугыдемдыме шере шӧрым, мороженныйым, шӱрашым утларак лукмо.

Прошлые выпуски