Руль воктеке йӱшӧ вуя шичше- влакым рашемдат

                       Таче республикысе корнылаште руль воктеке йӱшӧ вуя шичше- влакым рашемдат. Йошкар-Ола ден Волжскышто да Медведево районышто водитель- влакым тергат. ГИБДД пашаеҥ- влак шкеныштым кӱлеш семын кучыдымо водитель- влак нерген кеч- могай уверым колташ йодыт. Машинан тӱсшым, маркыжым, кушкыла кайымыжым 68-09-70 номеран телефон дене йыҥгыртен каласаш лиеш. Тыгак «Йӱшӧ водитель» шокшо линий пашам ышта. Номерже- 68-00-60. Лӱмым каласыдеат увертараш лиеш. Йӱшӧвуя руль воктеке шичмылан 30 тӱжем теҥге штрафым тӱлыктат. Тений 11 тылзе жапыште республике мучко йӱшӧ водитель- влак 96 ДТП-м ыштеныт. Тушто 26 еҥ колен, 142 еҥ эмганен. Январь гыч ноябрь марте ГИБДД пашаеҥ- влак кок тӱжемат пеле йӱшӧ водительым кученыт. Нунын кокла гыч 300 еҥыжым уголовно мут кучаш шогалтен кертыт.

Прошлые выпуски