Морко районысо Чодыраял кундемыште ече дене таҥасыме Марий Элын Чемпионатше эртен
Йӱштӧ каныш кечылаште Морко районысо Арын кыдалаш школ негызеш, Чодыраял кундемыште ече дене таҥасыме Марий Элын Чемпионатше эртен. Волжский районысо спортсмен-влак шке сеҥышышт нерген возат. 20-34 ияш ӱдырамаш- влак коклаште вич меҥгыш таҥасымаште икымше верым «Виктория» СШОР гыч Кристина Солонько сеҥен налын. Волжск ола гыч Анжелика Матыгуллина кокымшо лийын. 18-19 ияш- влак коклаште вич меҥгыш куржмаште «Виктория» СШОР гыч Софья Протасова кокымшо верыш лектын.
