Йошкар-Олаште ремесленный форум эртен

                      Йошкар-Олаште ремесленный форум эртен. Тудо «Тӱвыраште у» тӱнямбал форум кышкарыште Республикысе курчак театрыште лийын. Мероприятий кундемысе мастар- влакым ушен. Тӱвыра министр Константин Ивановын мутшо почеш, форум ваш мутланымаш гына огыл, а лектышан паша. Тиде корно дене умбакыжат каяш тӱҥалына. Тидымат палемден: ремесленник- влакын пашаштым кумдан шараш да нунылан полшаш манын «Республикысе ремесло да художественный промыселын калык мастерже» Чап лӱмым пеҥгыдемдыме ыле. Вара министр Кугыжаныш награде- влакым кучыктен. Куд еҥ тӱрлӧ номинацийыште Марий Эл Правительствын «Калыкын чонжо» премийже дене палемдалтын. Республикым вуйлатышын Указше дене «Марий Эл тӱвыран сулло пашаеҥже» чап лӱмым Республикысе калык усталык рӱдерын пӧлкажым вуйлатыше Наталья Загурская, Медведево книгагудо системын пӧлкажым вуйлатыше Надежда Костылёва, Марий Турек районысо «Зардон» ансамбльын балетмейстерже Алёна Семёновалан пуымо. Тыгак икмыняр еҥлан  Республикым вуйлатышын, тӱвыра министрын тауштымашыштым, «Калык верч тыршымаш» медальым кучыктымо. Форум кышкарыштак декоративно-прикладной пашам ончыктышо выставке пашам ыштен.

Прошлые выпуски