Аракам ужалыме жапым шагалемдымаш осал пашам 30 процентлан иземден
Аракам ужалыме жапым шагалемдымаш осал пашам ыштымашым 30 процентлан шагалемден. Тидын нерген Оперативный штабын заседанийыштыже олан мэрже Евгений Маслов ойлен. Тудо олаште чарыме мероприятий- влакым кузе шуктен толмо нерген увертарен. Утларак ямде улмо режимым пуртымо деч вара калык дене 100 тӱжем утла профилактике мутланымашым эртарыме. Эл кӧргӧ паша виктем дене пырля самоизоляций да маске режимым шуктыдымылан административный правонарушений шотышто 900 наре протоколым возымо. Моло кундемла гыч толшо- влаклан, дезинфекцийым эртарыме пашалан кугу тӱткыш ойыралтеш. Аракам ужалыме жапым кӱчыкемдымаш сай лектышым пуэн. Сурт кокласе осал паша 30 процентлан шагалемын.
