Рӱдӧ олан мэрийыштыже вучыдымо ситуацийым шижтарыме да кораҥдыме шотышто комиссийын черетдыме заседанийже эртен

Рӱдӧ олан мэрийыштыже вучыдымо ситуацийым шижтарыме да кораҥдыме шотышто комиссийын черетдыме заседанийже эртен
               Рӱдӧ олан мэрийыштыже вучыдымо ситуацийым шижтарыме да кораҥдыме шотышто комиссийын черетдыме заседанийже эртен. Тушто каҥашыме тӱн йодыш шошо вӱдшор жапыште лӱдыкшыдымылык мерым пеҥгыдемдыме дене кылдалтын. Оласе утарыше- влаклан эше ик гана эре вӱд налме частный пӧрт- влакым терген лекташ кӱштымӧ. Специалист- влак обстановко эшеат начарештеш гын, еҥ- влак вес верыш куснаш ямде улмыштым тергат да мом ышташ кӱлмым умылтарат. Кӧ жаплан пӧртшым коден кайынеже гын, нунылан жаплан вераҥаш пункт- влакым ямдылыме. Кызыт эвакуироватлыме еҥ- влаклан шокшо кочкышым пукшымо йодыш решатлалтеш. Тиддеч посна ола администраций шергакан ӱзгар- влакым арален кодаш полша- шупшыкташ транспортым пуа да «Город» акционер ушемын кукшо складшым ойыра. Вӱд налме районлаште порядкым правам аралыше орган- влакын пашаеҥышт эскерат.
              Йошкар-Олаште утарыше- влакым кугу вӱд толмылан кӧра тӱрысынек ямде улмо режимыш кусарыме. Ола администраций увертара: специалист- влак оласе вӱд объектлаште вӱд нӧлталалтмым эскерен шогат . Мэрийыште ушештарат: полыш кӱлеш лиеш гын, 112 номеран единый дежурный диспетчер службыш йыҥгыртыза.
         Фото: Марий Эл МЧС виктем.

Прошлые выпуски