Рӱдӧ оласе 9-ше В микрорайонышто автобус- влакын чотыштым ешарат

Рӱдӧ оласе 9-ше В микрорайонышто автобус- влакын чотыштым ешарат
              Рӱдӧ оласе 9-ше В микрорайонышто автобус- влакын чотыштым ешарат. Республикысе транспорт да корно озанлык министерстве Кугыжаныш Погын ден Ола погынымашын депутатыштын тиде микрорайонышто транспорт обслуживанйым саемдыме шотышто обращенийыштым ончен лектын.
              Ведомство «Руэм- Савино» 6-шо-П номеран маршрутышто икымше июнь марте автобус- влакым ешараш шонымо план нерген увертарен. Кызыт тиде маршрутышто лу автобус коштеш. Икымше июнь гыч 14-ыт марте ешараш шонат. Тидыже коштмо интервалым шагалемдаш полша. Транспортым вучаш йӧнан лийже манын «Умный транспорт» приложений дене пайдаланаш але диспетчер службыш шым шагат эр гыч 21 шагат марте йыҥгырташ темлат. Номерже: 30-45-44.
              Черняков урем марте маршрут шотыштат йодыш лийын. Министерстве «Ян Крастынь урем- Звёздный микрорайон» 21-ше К маршрутын коштмо схемыжым вашталтыме ситуацийым умылтарен: Черняков урем марте шуяш гын, тудо Медведево посёлкыш пурышо Некрасов урем дене кайышаш. Тыгеже кок муниципал образованийын чекыштыже коштшаш. Тидыже муниципал маршрутын статусшылан тореш шога
            . Кызыт могай маршрут- влак пашам ыштат? Таче кечылан 9-ше В микрорайоным кум маршрут обслуживатла: «Шыл комбинат- Ян Крастынь урем»- 2-шо А, «Ян Крастынь урем- Звёздный микрораойн» 21-ше К да «Руэм- Савино» 6-шо П маршрут- влак. Министерствыште палемдат: 9-ше В микрорайонышто транспорт коштмашым Черняков бульварым ыштен шуктымеке эше саемдаш шонат.
            Фото: Архив.

Прошлые выпуски