Рӱдӧ оласе Черняков уремыште йӱрвӱд канализацийым чоҥаш тӱҥалме
Рӱдӧ оласе Черняков уремыште йӱрвӱд канализацийым чоҥаш тӱҥалме. Йошкар-Ола ден Медведево посёлко кокласе рекреаций зона магистраль урем улеш. Покшелныже йоча модмо да спорт площадкан бульвар лиеш. Кызыт чоҥышаш кум йыжыҥын иктыжым ыштыме. Кокымшо йыжыҥже Чавайн урем деч Некрасов урем марте ужашым айла. Тушто чараклыше тат- влак улыт. Тудым суд гоч виктарат. Подрядчикше- Москосо «Регионысо чоҥышо компаний» ушем улеш. Пашан акше 398 миллион утла теҥге. Кумшо йыжыҥже Некрасов урем деч Машиностроитель урем марте шуйна. Тушто подрядчик ямдылыме пашам шуктен да йӱрвӱд канализацийым ышташ тӱҥалын. Тыгак инженер коммуникацийым пужен ыштыме шотышто, корным чоҥымо, волгыдым пуртымо шотышто кугу пашам шуктыман, транспорт коштмо корным да тротуарым чоҥыман, изи архитектур формо- влакым вераҥдыман, кушкылым шындыман. Кызыт тӱшка пашан лу процентшым гына ыштыме. Кумшо йыжыҥым шукташлан 592 миллионат 370 тӱжем теҥге оксам кучылташ палемдыме.
Фото: ВНД
Фото: ВНД
