«Йошкар-Ола-Уржум» трассыште машинан нелытшым да кугытшым тергыме пункт ышталтын
«Йошкар-Ола-Уржум» трассыште машинан нелытшым да кугытшым тергыме пункт ышталтын. Тыге республикыштына нелыт да габарит контрольын кумшо автомат пунктшым чоҥен пытарыме. Тудым Йошкар-Ола- Уржум корнын 47-ше меҥгыштыже вераҥдыме. Система корныш пуртен чоҥымо датчик да лазер сканер- влак полшымо дене машинан нелытшым да кугытшым виса. Тидлан водитель- влаклан машинам чараш ок кӱл, кайыме годымак висалтеш. Тыгай параметрым висымаш автомобиль корным аралаш манын ышталтеш. Пашам «Илашлан инфраструктура» калыкле проект кышкарыште шуктымо. Объектым пашаш колташ ямдылат. Кум тылзе мучко тудо тест режим дене пашам ышта. Нелытым тергыме деч посна подрядчик объектыште вич камерым, корно правилым пудыртымым возышо кок фотовидеофиксаций комплексым вераҥден. Автомобиль полоса мучко волгыдым пуртымо да корно знак- валкым вераҥдыме.
Фото: «Марий Эл Республикын корныжо- влак».
Фото: «Марий Эл Республикын корныжо- влак».
