Районысо книгагудын фондшо пойдаралтын
У Торъял районысо икымше модельный книгагудын фондшо ныл тӱжем утла у савыктыш дене пойдаралтын. Книгагудым «Тӱвыра» калыкле проектын оксаже кӱшеш уэдыме ыле. Тыге кок миллионат 100 тӱжем теҥгелан ныл тӱжемат 902 книгам налме. Тыге фондым 14 процентлан уэмдыме. У савыктыш- влакым «Бибком», «Библокнига», «КомпасГид», «Марий книга савыктыш» издательстве- влак луктыныт.
