Юрий Свирин лӱмеш сквер йӧршын уэмын
Йошкар-Олаште Юрий Свирин лӱмеш скверым пужен ыштыме шотышто паша мучашлалтын. Пайрем кечын каныме у верым Республикым вуйлатыше Александр Евстифеев ончен савырнен. Сквер ден йолын коштмо кумдыкым палашат ок лий. Тымарте тушто лунчыргышо тротуар гына улмаш, теҥгыл дене урна лийынат огытыл. «Йӧнан оласе кумдыкым ыштымаш» проект кышкарыште асфальтым вашталтыме, брусчаткым шарыме, вӱд йоген кайыме верым, лампе меҥгым ыштыме, у светильник- влакым вераҥдыме, изи архитектур формо- влакым ямдылыме. Республикым вуйлатыше шуктымо пашам сай манын аклен. Олан мэрже Евгений Масловлан умбакыжат тӱзатышаш вер- влак нерген калыкын шонымашыжым эскерен шогаш кӱштен. Тений республикыштына тиде проект почеш 11 тӱшка кумдык олмыкталтеш. Чыла пашалан 90 миллион теҥге оксам палемдыме. Оксан кугу ужашыже йолын коштмо вер- влакым тӱзатымашке кая.
