Муниципал спецтехнике парк у технике дене пойдаралтеш
Муниципал спецтехнике парк комбинированный корно машина дене пойдаралтеш. Йошкар-Ола администраций ныл коммунал техникым налаш палемден. Тидлан 30 миллион наре теҥге окса ойыралтеш. Телым корнысо ийым кораҥдаш манын ошма шавалтеш. Но вес тӱрлӧ материалым кучылташ, мутлан, галитым, калий шинчалым, ошма деч посна шыжыкташ посна технике кӱлеш. Кызыт «Город» МУП-ышто кок тыгай технике уло. Нунын деке эше нылытым ешараш лийме. Тыге шушаш телым у материалым кучылтын куд технике олам обслуживатлаш тӱҥалеш. Тидыже ошма дене шагалрак пайдаланаш йӧным пуа.
Предприятий кызыт 308 меҥге кужытан 415 уремым обслуживатла. Тыгак 610 тӱжем квадрат метр тротуар, 279 остановко, 13 кӱвар, 465 йолешке вончем, 45 меҥге йӱрвӱд канализаций шотлалтеш. Уремым кучаш 77 спецтехнике кучылталтеш.
Предприятий кызыт 308 меҥге кужытан 415 уремым обслуживатла. Тыгак 610 тӱжем квадрат метр тротуар, 279 остановко, 13 кӱвар, 465 йолешке вончем, 45 меҥге йӱрвӱд канализаций шотлалтеш. Уремым кучаш 77 спецтехнике кучылталтеш.
