Республикысе уголовно- исполнительный системыште «Мый Марий Элым йӧратем» йоча сӱрет конкурсым иктешлыме

   Республикысе уголовно- исполнительный системыште «Мый Марий Элым йӧратем» йоча сӱрет конкурсым иктешлыме. Тудо системыште пашам ыштыше- влакын йочашт коклаште эртен да марий кундемын курымаш лӱмгечыжлан пӧлеклалтын. Чылаже витле наре паша пурен. Ончер УФСИН-ын административный зданийжын холлыштыжо верланен. Сандене пашаш толшо сотрудник да толшо еҥ-влакын тӱткышыштым савырен. 
        Самырык автор- влак пашаштым пеш устан ыштеныт, тӱрлӧ материалым кучылтыныт.  Икымше верым 11 ияш Дана Котован пашаже сеҥен налын. Кокымшо верыш кок самырык сӱретче кӱзен: Даниил Евстафьев ден Елизавета Бахтина. Кумшо верым ныл еҥ пайлен: Владислав Шарапов, Вадим Усков, Диана Дмитриева да Марина Колос. Жюри эше Настя Бахтинан пашажым ойырен налын. Тудлан эше кум ият темын огыл. Нуно чыланат ведомствын Чап грамотыж дене палемдыме лийыт.

Прошлые выпуски