Ечызе Екатерина Смирнова Тӱнян кубокшылан ямдылалтеш

              Российысе сборный командын ечызыже Екатерина Смирнова Тӱнян кубокшо деч ончыч тергыме стартлаште участвоватла. Тӱнян кубкышкыжо Российын сборный командыжым чумыраш тергыме старт- влак 20-шо гыч 22-шо ноябрь марте Финляндийысе Муонио олаште эртат. Тушто тренер Егор Соринын группыжат уло. А тудын радамыште Марий Эл гыч Екатерина Смирнова ямдылалтеш.
               Кызыт группа Ханты-Мансийскыште ямдылалтеш, а 8-ше ноябрьыште йотэлыш кая. Ече дене таҥасымаш дене Тӱня кумбкын икымше йыжыҥже 27-ше 29-ше ноябрьыште Финляндийысе Рука олаште лиеш. Тушто старт 10 да 15 меҥгыш пуалтеш.

Прошлые выпуски