Йошкар-Оласе 6-шо микрорайонышто у школым чоҥаш тӱҥалме
Йошкар-Оласе 6-шо микрорайонышто у школым чоҥаш тӱҥалме. Таче кечылан ямдылалтмашым тӱрысынек мучашлыме. Чоҥышаш верым эрыктыме, саварым шогалтыме да объектын паспортшым вераҥдыме. Кызыт подряд оргаизаций котлованым ямдыла. Грунтын чытымыжым да терген ончымо семын свай- влакым кырыме. Лектыш келшыше, негызын тӱҥ йыжыҥжым чоҥаш тӱналаш лиеш. Чоҥымаш министр Александр Горбунов социал вотышто паша кузе кайыме нерген радамлен возен. Тудын мутшо почеш, «Восточный» микрорайонысо семынак келшыше проект кучылталтеш. Тиде ӱшанле лиеш да жапым аныкла. Министр тидымат ешара: у школ вер ситыдыме йодышым кораҥда да кушшо микрорайонысо йоча- влаклан тунемаш келшыше йӧным ышта.
Фото t.me/algorbunovmin
Фото t.me/algorbunovmin
