Республикым вуйлатыше 1-ше сентябрь гыч изи тунемше- влакым шокшо кочкыш дене пукшаш Указым луктын
Республикым вуйлатыше таза кочмашым да продуктын качествыжым ситарыме икмыняр йодыш нерген Указын пеҥгыдемден. Указ почеш республикыште эскерыше советым ышташ да 1-ше сентябрь гыч тӱҥалтыш класслаште тунемше- влакым шокшо кочкыш дене пукшаш тӱҥалаш кӱштымӧ. Школлаште техник йӧн уке гын, шокшо кочкыш дене изи тунемше- влакым 2023-шо ий 1-ше сентябрь гыч пукшаш тӱҥалман. Республикыштына чылаже 35 тӱжемат 500 наре тунемшым шокшо кочкыш дене авалтыман.
