Республикысе у эл кӧргӧ паша министр эн ончыч Йошкар-Оласе МВД виктемыш миен
Республикын эл кӧрго паша министрже полицийын генерал-майоржо Сергей Волчков Йошкар-Оласе УМВД-ш миен. У вуйлатышын мийыме тиде икымше подразделений лийын. Вашлиймаште правам аралыше блок гыч, верысе самоуправлений органла гыч, полицийын вуйлатышыже да личный составше, ветеран- влак лийыныт. Пашаче вашлиймаште эн ончыч шуктышаш паша- влакым каҥашеныт. Сергей Волчков законодательствым тӱрыс шукташ, тӱшка верлаште да корнылаште лӱдыкшыдымылыкым ышташ ӱжын ойлен. Тыгак ийготыш шудымо- влак коклаште осал пашам ончылгоч шижтараш кӱлеш манын палемдыме. Сергей Александрович тыгак личный составым ситарыме, самырык специалист- влак дене пашам ыштыме йодышым тарватен.
