Республикысе вузлан студентышт мӧнгыштӧ тунемаш тӱналыт
Таче кече гыч Марий Кугыжаныш университет туныктымо посна режимыш куснен. Россий туныктыш министерствын 14-ше мартысе приказше почеш, тунемаш лӱдыкшыдымӧ йӧным ышташ да коронавирус инфекций шарлымым шижтараш манын, университетын студентше- влак дистанций гыч тунеммашке кусаралтыт. Тудо посна распоряжений марте шуйна. Тидын годым студент- влакым шижтарат: тунеммаш ок чарне. Онлайн- тунемме системе студент- влакын шинчымашым налмыштым терген шогаш полша. Тунемше- влаклан жапым яра йомдараш огыл, а вигак занятийым тӱҥалаш темлат. Тунемме жапым шотыш налдыме- влаклан дисциплинар мерым кучылт кертыт. Таче кече гыч тыгаяк йӧныш Юлтех ден МОСИ-ат кусненыт.
