Волжскысо ӱдырамаш йотэл гыч толшо шым еҥым регистрироватлен

Волжск олаште илыше ӱдырамаш йотэл гыч толшо шым еҥым закондымын миграций учётыш налын. Тений январьыште тудо шке илыме адресышкыже шым еҥым регистрироватлен. МВД-н миграций шотышто виктемжын пашаеҥже- влак тергымашым эртареныт: нине еҥ- влак пачерыште огыт иле. Ӱдырамашын шке декыже илаш пурташ шонымашыжат лийын огыл, йотэл еҥ- влак тушто илашашт шонен огытыл. Тиде факт почеш уголовный пашам тарватыме. Полиций пашаеҥ- влак ушештарат: йотэл гыч толшо еҥым шке илыме верыш учётыш шогалтымеке, нуно туштак илышаш улыт. Уке гын, уголовно мут кучаш шогалтат. Статья почеш, регистрацийыш налше еҥлан 500 тӱжем теҥге марте штрафым тӱлыктен але, кум ий марте эрык деч посна коден кертыт.

Прошлые выпуски